Attention Please


If you are interested to become an author in this blog please send your name to " navodayakut@gmail.com".Your name will be added and you will get a confirmation mail and can start posting your write ups in any language. Thanking you for being an author in this community blog.

Wednesday, August 31, 2011

നവോദയയിലെ ആദ്യ ദിവസം


സജികുമാര്‍ സാര്‍
മലപ്പുറം നവോദയയില്‍ കുറച്ചു വര്‍ഷങ്ങളെ ചെലവഴിക്കാന്‍ സാധിച്ചുള്ളൂ  എങ്കിലും പുതു നവോദയയുടെ മുഖച്ഛായ ഉണ്ടാക്കിയെടുത്തതില്‍ ഒരു പ്രധാനപങ്ക് വഹിച്ചത് സാര്‍ ആയിരുന്നു. പ്രധാനകവാടം കടക്കുമ്പോള്‍ ഇടതു വശത്ത് നിര്‍മിച്ച ഇരിപ്പിടങ്ങള്‍, വെള്ളടാങ്കിനു അടുത്ത് നിര്‍മിച്ച കൃഷ്ണപ്രതിമ (flute player; Size : 4X2X 7 Sq. feet ), ആര്‍ട്ട്‌ മ്യുസിയം, എം പി ഹാളിലെ മനോഹരങ്ങള്‍ ആയ ചുമര്‍ചിത്രങ്ങള്‍ പഴയ ഹോസ്റെലുകള്‍ക്ക് നടുവിലുള്ള ഒരു ആമയും സന്യാസി പ്രതിമയും(guru; Size: 10X4X6 Sq. feet)..തിലക് (ഉദയഗിരി)ഹൌസിനു മുന്നില്‍ ഉള്ള അതികായ പ്രതിമ(purusha; Size :12X 4 X14 Sq. feet) എന്നിവയെല്ലാം നിര്‍മിച്ച അദേഹം ഇപ്പോള്‍ തിരുവനന്തപുരം നവോദയയില്‍ ജോലി ചെയ്യുന്നു. കുട്ടികളുടെ സര്‍ഗ വാസനയെ വാനോളം ഉയര്‍ത്താന്‍ പ്രധാന പങ്കു വഹിച്ച സാറിനോടുള്ള ആദരവ് ഇവിടെ സൂചിപ്പിക്കട്ടെ. സാറിന് സ്വന്തമായി ഒരു ബ്ലോഗ്‌ ഉണ്ട്. അവിടേക്ക് പോകാനും ചിത്രങ്ങള്‍ കാണാനും സാറിനോട് സന്തോഷം അറിയിക്കാനും ഇവിടെ ക്ലിക്കുമല്ലോ "കേരള ആര്‍ട്ട്‌ റിസര്‍ച്ച് ഗ്രൂപ്പ്‌ " .



നമ്മുടെ പ്രിയപ്പെട്ട ആര്‍ട്ട്‌ ടീച്ചര്‍ സജികുമാര്‍ സാറിന്റെ നേതൃത്വത്തില്‍ ഉണ്ടാക്കിയെടുത്ത ആല്‍ബം ആണിത്. കാണുകയും അഭിപ്രായം രേഖപെടുത്തുകയും ചെയ്യുമല്ലോ.



Monday, August 15, 2011

നവോദയയിലെ സ്വാതന്ത്രദിനങ്ങള്‍




ആഗസ്റ്റ്‌ 15 . പണ്ട് ഈ ദിവസം തുടങ്ങുന്നത് ഷൂ വെളുപ്പിക്കാനുള്ള മാര്‍ഗങ്ങളെക്കുറിച്ചാലോചിച്ചു കൊണ്ടാണ്. തലേന്ന് രാത്രി ബ്രുഷും പൌഡറും ഷൂ പോളിഷും ചോക്ക്പൊടിയും ഉജാലയുമൊക്കെ മാറിമാറി പരീക്ഷിച്ചു 'നിറം' കെട്ട ഷൂസിനെ ഹൌസ് മിസ്ട്രസ്സുമാരുടെ കണ്ണു വെട്ടിച്ചു എം പി ഹോള്‍ വരെ എത്തിക്കാനുള്ള പാട്...
ഉടുപ്പില്‍ കുത്തിയ ദേശീയ പതാക തല തിരിഞ്ഞു പോയതിനു കേള്‍ക്കുന്ന വഴക്കുകള്‍, വഴക്ക് കേള്‍ക്കുന്നവരുടെ മുഖം കണ്ടുള്ള നിര്‍വൃതി... 'നശിച്ച' മാര്‍ച്ച് പാസ്റ്റു... പ്രസംഗങ്ങളും വെയിലും താങ്ങാനാവാതെ ഭൂമി കുലുക്കിക്കൊണ്ട്‌ നിലം പൊത്തുന്ന കൂട്ടുകാര്‍.... ദേശ ഭക്തി ഗാനങ്ങളുടെ 'മികവി' ന്‌ സമ്മാനമായി കിട്ടുന്ന എക്സ്ട്രാ ലഡ്ഡുകള്‍,,, കടലാസില്‍ പൊതിഞ്ഞു കൂട്ടുകാരന് സൂക്ഷിച്ചു വെച്ചിരുന്ന മധുരപ്പൊതികള്‍... ടി വി യില്‍ പരേഡു കാണാനുള്ള ആള്‍ക്കൂട്ടം, മുമ്പിലെ സീറ്റ് പിടിക്കാനുള്ള ഓട്ടം. പരേഡിന് ശേഷമുള്ള സിനിമകളായിരുന്നു ആകര്‍ഷണം, സിനിമകള്‍ കാണാന്‍ മുന്‍വശത്തെ ഇരിപ്പ് ഉറപ്പിക്കാന്‍ വേണ്ടി താല്പര്യമില്ലാതെയും പരേഡു മുഴുവന്‍ കാണുമായിരുന്നു. സിനിമകളെ ഇന്നത്തേക്കാള്‍ നിഷ്കളങ്കമായാണ് അന്ന് കണ്ടിരുന്നത്‌. കഥാപാത്രങ്ങളെ ഹൃദയം കൊണ്ടാണ് അറിഞ്ഞിരുന്നത്, ഒരാഴ്ചയെങ്കിലും നെഞ്ച് നോവിച്ചു കൊണ്ട് ചില കഥാപാത്രങ്ങള്‍ തങ്ങി നില്‍ക്കും, എത്ര ചെറിയ സിനിമയാണെങ്കിലും... ഇന്ന് അവയൊക്കെ 'നിലവാരം' കുറഞ്ഞവയായി തോന്നാം, ആഗസ്റ്റ്‌ 15 -കളിലെ നവോദയന്‍ സിനിമകള്‍ ഞങ്ങള്‍ക്ക് ജീവിതം അറിയലായിരുന്നു.



ഇപ്പൊ സ്വാതന്ത്രദിനങ്ങളുടെ മധുരം നഷ്ടമായി, അവധിയും പാട്ടുമൊന്നുമില്ലാതെ നമ്മളൊക്കെ 'വളര്‍ന്നു' പോയി. ഒരിക്കല്‍ക്കൂടി ഒരു ലഡ്ഡുവിനു കൈ നീട്ടാന്‍, സിനിമകള്‍ക്ക്‌ വേണ്ടി ഓടി സീറ്റ് പിടിക്കാന്‍, വെയില് കൊണ്ട് വീഴുന്നവരുടെ എണ്ണമെടുക്കാന്‍... ഒക്കെ കൊതി. വെറുതെ മോഹിക്കുവാന്‍ മോഹം...

Authors in this blog

  • Adarsh
  • Amjith.T.S
  • Anil Raj
  • Aravind
  • Arjun A Bhaskaran
  • Divya Gokul
  • Navodayan
  • Praveen
  • Shafeeq Sha
  • Shiljith
  • Syam Prasad
  • Vandana Mohandas