ഇതിന്റെ ഒന്നാം ഭാഗത്തിന് ഇവിടെ ക്ലിക്ക് ചെയ്യുക
ഇതിന്റെ രണ്ടാം ഭാഗത്തിന് ഇവിടെ ക്ലിക്ക് ചെയ്യുക
ബസ് സ്റാണ്ടില് വെച്ച് ഒരു കള്ളനെ കയ്യില് കിട്ടുകയും ആദ്യമായി ഒരാള് കൈ വക്കുകയും ചെയ്താല് എന്ത് സംഭവിക്കും..അതിലെ പോകുന്നവരും വരുന്നവരും കൈ വെക്കും അല്ലെ. അത് തന്നെ ഇവിടെയും സംഭവിച്ചു. ആദ്യത്തെ അടി പൊട്ടിയതെ ഓര്മയുള്ളൂ. പിന്നെയങ്ങോട്ട് ചറ പറ അടിയായിരുന്നു. ഏറ്റവും വലിയ സാറന്മാര് മുതല് ചെറിയവര് വരെ കൊതി തീരുവോളം തരിപ്പ് മാറ്റി. എന്റെ മുഖമൊക്കെ ചീര്ത്തു. കരച്ചില് ഉണ്ടായിരുന്നതൊക്കെ ആദ്യത്തെ രണ്ടു മൂന്നു കൈ പതിയലില് തീര്ന്നിരുന്നു.പിന്നെ അങ്ങോട്ട് ആകെ തരിച്ച അവസ്ഥയില് എന്ത് വേദന..?? എന്ത് എവിടെ നിന്ന് എന്നുള്ള ചോദ്യത്തിന് എനിക്ക് ഒരൊറ്റ ഉത്തരമേ ഉണ്ടായിരുന്നുള്ളൂ. അഞ്ചു രൂപയ്ക്ക് പുറത്തു വാങ്ങാന് കിട്ടുന്ന ജിജി ചിലമ്പിലിന്റെ പുസ്തകം. അത് കൊണ്ടൊന്നും അവര്ക്ക് ത്രിപ്തിയായില്ല. എന്നെ സഹായിക്കുന്ന (പുസ്തകം തന്നു) സീനിയര്മാരുടെ പേരായിരുന്നു അവര്ക്ക് അറിയേണ്ടത്. അങ്ങനെ ഒരു പേരില്ലാത്തത് കൊണ്ടും അവരെക്കാള് നന്നായിട്ട് ഞാന് സാഹിത്യം എഴുതുന്നത് കൊണ്ടും ചൂണ്ടി കാണിക്കാന് ഒരു പേരില്ലാതിരുന്നത് അടിയുടെ എണ്ണം കൂട്ടി.
ഏതായാലും അടിയുടെ ഇടിയുടെ പൂരം കഴിയുമ്പോള് എന്റെ ക്ലാസ്സിലെ എന്നല്ല. എല്ലാ ആണ്കുട്ടികളും ഹോസ്റെലിലേക്ക് മാര്ച് നടത്തുന്നു.അപ്പോള് ഒരു വന് കടമ്പ കൂടി. ഇനി ഹോസ്റ്റലില് നിന്നും കാണാം എന്നാ വാഗ്ദാനവുമായി സാറന്മാര് എന്നെ വിട്ടയച്ചു.അങ്ങനെ ഞങ്ങള് ഹോസ്റ്റലില് എത്തി. ഗ്രില്ല്സ് എല്ലാം അടച്ചിട്ടിരിക്കുന്നു. തിലക് ഹൌസ് അതായത് എന്റെ ഹോസ്റ്റലില് തന്നെ തുടക്കം. ഗണപതിക്ക് തന്നെ തേങ്ങ അടിച്ചു വേണ്ടേ തുടങ്ങാന് എന്ന് വിചാരിച്ചായിരിക്കും. എന്റെ വിങ്ങില് അന്ന് ചെക്കിങ്ങിനു കേറിയവരില് പ്രമുഖര് ശ്രീകുമാര് സര് , സുരേഷ് സര് , പിന്നെ സുരേന്ദ്രന് പിള്ള സാര് ..എന്നിവര് ആയിരുന്നു. അങ്ങനെ ചെക്കിംഗ് തുടങ്ങി. ഓരോരുത്തരുടെയും പെട്ടികള് തുറന്നു പരിശോധന തുടങ്ങി. എന്റെ പെട്ടി പരിശോധനയ്ക്ക് വിധേയമാക്കി. രാഷ്ട്ര ദീപിക സിനിമയുടെ പുറകില് എല്ലാ ആഴ്ചയും വരാറുള്ള " ഇന്നത്തെ ഗ്ലാമര് " എന്ന പേജിലെ എല്ലാ അര്ദ്ധ നഗ്ന സുന്ദരിമാരുടെയും ചിത്രങ്ങള് വൃത്തിയായി തുന്നി ഒരു പുസ്തക പരുവത്തില് സൂക്ഷിച്ചിരുന്നത് അവര് പിടിച്ചു.കൂടാതെ അല്ലറ ചില്ലറ നിരുപദ്രവകാരികളായ ലേഖനങ്ങളും.
അപ്പുറത്ത് സുരേന്ദ്രന് പിള്ള സാറിന്റെ അലര്ച്ച.. എല്ലാവരുടെയും ശ്രദ്ധ അങ്ങോട്ടായി.ടുട്ടു മോന്റെ പെട്ടി പരിശോധനയില് ആണ് സാര് . പെട്ടി നിറയെ തുണിയാണ്. മുഷിഞ്ഞതും അല്ലാത്തതും. ടുട്ടു മോന് നിന്ന് വിറക്കുകയാണ്. രാത്രി ഞങ്ങള് കാണാതെ ഒളിപ്പിച്ചു വെച്ച ഗള്ഫ് സുന്ദരികള് അതിനടിയില് കിടന്നു വീര്പ്പ് മുട്ടുന്നു.
" ആ തുണിയൊക്കെ ഈ വശത്തേക്ക് മാറ്റിയിടെടാ "
ടുട്ടു മോന് പുസ്തകം അടക്കം കൂട്ടി പിടിച്ചു ഒരു വശത്തെക്കിടും.
"ഇപ്പുരതെക്കിടെടാ "..
അപ്പോളും അവന് ഇത് തന്നെ ചെയ്യും. അവസാനം ദേഷ്യം പിടിച്ചു സുരേന്ദ്രന് പിള്ള സാര് അലറി.
" ഓരോന്നോരോന്നായി മാറ്റി പുറതെക്കിടടാ "..
നിക്കക്കള്ളിയില്ലാതെ ടുട്ടു മോന് ഓരോന്നായി മാറ്റിയിടാന് തുടങ്ങി .. ഏതോ ഒരു തുണി പുരതെതിയതും ടുട്ടു മോന്റെ മുഖത്ത് പടക്കം പൊട്ടിയതും ഒരുമിച്ചായിരുന്നു..
ഓടിയെത്തിയ ശ്രീകുമാര് സാര് ഉച്ചത്തില് നിലവിളിച്ചു.
" സുരേഷ് സാറേ ഇത് കണ്ടോ..ഇവന്മാരുടെ കയ്യില് ..!!!
ഒരു പരുങ്ങലില് ടുട്ടു മോന് ഞങ്ങളെയൊക്കെ നോക്കി.ഞങ്ങള് അറിയാതെ ആയിരുന്നല്ലോ ഇത്. എന്തായാലും ശ്രീകുമാര് സാറിന്റെ അലര്ച്ച കേട്ട എല്ലാവര്ക്കും മനസിലാകും സാര് ജീവിതത്തില് ഇത് പോലൊന്ന് കണ്ടിട്ടില്ലെന്ന്. എന്തൊക്കെയായാലും സുരേഷ് സാര് അതെടുത്തു കക്ഷത്തില് തിരുകി.എന്നിട്ട് ഞങ്ങളെ നോക്കി പറഞ്ഞു.
" ഇതൊന്നും വായിക്കാനുള്ള പ്രായം ആയില്ല. ആകുമ്പോള് വന്നു വാങ്ങിക്കോ "
അതും പറഞ്ഞു അവര് പുറത്തേക്കു നടന്നു. എല്ലാ ഹൌസിലും തരികിടകള് ഉണ്ടായിരുന്നെങ്ങിലും തിലകില് നിന്നും രാമന് ഹൌസില് എത്തിയപ്പോളെക്കും എല്ലാം വളരെ വൃത്തിയിലും വെടുപ്പിലും മിടുക്കന്മാര് ആക്കിയിരുന്നു. ചിലര് ഭിത്തിയില് മഴവെള്ളം താഴേക്കു പോകാന് പിടിപ്പിച്ച പൈപ്പ് വഴി രണ്ടാം നിലയിലേക്ക് പിടിച്ചു കയറുകയും തങ്ങളുടെ പെട്ടികളില് ഉണ്ടായിരുന്ന ആര് ഡി എക്സ് പുറത്തേക്കു കടത്തുകയും ചെയ്തു എന്നത് ഐതീഹ്യം .അത് കൊണ്ട് തന്നെ റെയ്ഡ് നടത്തിയ സാറന്മാര്ക്ക് നിരാശ ആയിരുന്നു.
നിരപരാധികള്ക്കും കണക്കിന് കിട്ടിയിരുന്നു അന്ന്. ടാഗോര് ഹൌസില് പരിശോധന നടക്കുമ്പോള് ഏഴാം ക്ലാസ്സില് പഠിക്കുന്ന ഒരു പാവം കുഞ്ഞുവിനോട് (കുഞ്ഞുവിന്റെ അനുഭവം സ്വന്തം വരികളില് എഴുതിയത് വായിക്കാന് ലിങ്കില് ക്ലിക്ക് ചെയ്യൂ )പെട്ടി തുറക്കുന്നതിനു മുന്പേ സാര് ചോദിച്ചു.
"നിന്റെയടുത്ത് വല്ല പുസ്തകവും ഉണ്ടോടാ ??
" ഉണ്ട് സാര് ".. വളരെ നിഷ്കളങ്കമായ ഉത്തരം.
ഉടന് തന്നെ അടി പാര്സല് ..
" ഇങ്ങോട്ടെടുക്കെടാ മുട്ടേന്നു വിരിഞ്ഞിട്ടില്ല അപ്പോളേക്കും നീയൊക്കെ ഒണ്ടാക്കാന് ഇറങ്ങിയിരിക്കുകയാനല്ലേ".
തനിക്കു കിട്ടിയ അടി എന്തിനാനെന്നറിയാതെ പെട്ടിയില് ഭദ്രമായി സൂക്ഷിച്ചിരുന്ന ബാലരമയും, ബാലഭൂമിയും കുഞ്ഞു സാറന്മാര്ക്ക് കൈ മാറി . ചാകര പ്രതീക്ഷിച്ച സാറന്മാര് ഉണക്കമീന് കണ്ടു തരിച്ചു നിന്നു.
" ഇതങ്ങു നേരത്തെ പറയാമായിരുന്നില്ലെടാ "..
മറുപടി കവിളില് തലോടി നിന്ന പാവം കുഞ്ഞുവിന്റെ മൌനം ആയിരുന്നു.
വൈകീട്ട് ഹോസ്റെലിനു മുന്പിലിട്ടു പിടിച്ച പുസ്തകങ്ങളെല്ലാം കൂട്ടിയിട്ടു തീയിട്ടു.
രാത്രി റോള് കോള് കഴിഞ്ഞു എന്റെ വീടിനടുത്ത് നിന്നും വരുന്ന പ്രസാദ് സാര് വിളിച്ചു.
"നീ ഇനി നല്ല കുട്ടിയാകുമെന്ന് ഞാന് അവരോടു പറഞ്ഞിട്ടുണ്ട്. അത് കൊണ്ട് ഈ സംഭവം ഒന്നും വീട്ടില് അറിയിക്കുന്നില്ല.പോയി കിടന്നുറങ്ങിക്കോ ."
അങ്ങനെ റൂമിലെത്തിയ എന്നോട് ടുട്ടു മോന് ചോദിച്ചു.
" എടാ സുരേഷ് സാര് പറഞ്ഞില്ലായിരുന്നോ പ്രായം ആകുമ്പോള് ചെന്നാല് ആ പുസ്തകം തിരിച്ചു തരാമെന്നു.എന്നിട്ട് ഒരു ദയയുമില്ലാതെ എല്ലാം കത്തിച്ചു കളഞ്ഞു ദുഷ്ടന്മാര് ."
അപ്പുറത്ത് നിന്നു രഘുവിന്റെ ശബ്ദം ഉയര്ന്നു കേട്ട്.
" ഡാ പൊട്ടാ അവരതെല്ലാം ഭദ്രമാക്കി വെച്ചിട്ടുണ്ട്. ഈ കത്തിച്ചു കളഞ്ഞതെല്ലാം റെയ്ഡില് പിടിച്ച ബാലരമയും, ബാലമംഗളവും , പൂമ്പാറ്റയുമാ.."
ഉള്ളില് മെല്ലെ ചിരിച്ചു ഞാന് മെല്ലെ കൊതുക് വലയുടെ ഉള്ളിലേക്ക് മറഞ്ഞു..ഒരു സുഖ നിദ്രയിലേക്ക്.
..................................................ശുഭം ..................................................
കമന്റുകള് പ്രതീക്ഷിക്കുന്നു..
ReplyDeleteഹഹഹ, കുഞ്ഞുവിന്റെ ബ്ലോഗിലേക്ക് ലിങ്ക് കൊടുക്കാമായിരുന്നു. എന്തായാലും സീനിയര് സഖാക്കള് മൊട്ടേന്ന് വിരിയും മുന്നേ തന്നെ ഇത്രേം ഒപ്പിച്ചാരുന്നല്ലേ, ഉം ഞങ്ങളൊക്കെ ഒരു കൊച്ചുപുസ്തകം കാണുന്നത് പത്താംക്ലാസ്സ് പരീക്ഷയുടെ തലേന്നെങ്ങാനും ആണ്. കഴിഞ്ഞ രണ്ട് ഭാഗങ്ങളേക്കാള് ഇത് നന്നായിട്ടുണ്ട്.
ReplyDeletenostalgic....
ReplyDeletenee yokke nikkorumittu mokkala olippichondu nadanna kalam mothal kanunnatha....
വര്ക്കിചായാ അത് കലക്കി.. ഹ ഹ ..
ReplyDeleteThe incident, as I experienced it: http://blog.sdqali.in/2008/11/jnv-stories-adult-magazines-and-my.html
ReplyDeleteyaa saadiq ഞാന് ലിങ്ക് കൊടുത്താല് നീയെന്തു വിചാരിക്കും എന്ന് കരുതിയാ കൊടുക്കാഞ്ഞേ ഇനി കൊടുക്കാം കേട്ടോ. ഹി ഹി
ReplyDeleteകൊള്ളാം.. നീ ഭംഗിയായി കാര്യങ്ങള് പറഞ്ഞു
ReplyDelete@Arjun
ReplyDeleteNo kalipps! :P
:)
ReplyDeletenow devoloped a lot, with mobile phones
ReplyDeleteNostalgic...
ReplyDelete